Keçmiş UFC çempionu Robert Uittaker Rafael Fiziyev və Maurisio Ruffi arasında qarşıdan gələn döyüşlə bağlı gözləntilərini bölüşüb.
İdman.Biz-in məlumatına görə, Fiziyev-Ruffi döyüşü 1 fevral gecəsi “UFC 325” çərçivəsində keçiriləcək.
Uittaker qeyd edib ki, Fiziyevin Castin Qetjieyə məğlubiyyəti amerikalı boksçunun Peddi Pimblett üzərində qələbəsindən sonra indi fərqli görünür. O bildirib ki, Fiziyev son döyüşündə son dərəcə metodik olub və il boyu pik vəziyyətdə olduğu və qısa müddətdə belə səkkizbucaqlıya çıxmağa hazır olduğu təəssüratını yaradır.
Uittaker həmçinin Fiziyevin daha böyük rəqiblərin uzaq məsafəli zərbələrinə qarşı həssaslığına da diqqət çəkib. O, hesab edir ki, Ruffi bu strategiyanı sınaya bilər. Eyni zamanda, keçmiş çempion vurğulayıb ki, Fiziyev rəqibini nə vaxt məğlub edəcəyi barədə əla bir fikrə malikdir və ardıcıllığı və dözümlülüyü ilə tanınır.
“Fiziyev super stabil döyüşçüdür. O, döyüş zamanı büdrəmir, yavaşlamır və müxtəlif yollarla necə döyüşəcəyini bilir. Mən Fiziyevin idacağını düşünürəm. Düşünürəm ki, o, Ruffini, xüsusən də üç raundluq formatda məğlub edə bilər”, - deyə Uitaker podkastında bildirib.
