Karyerasını dekabr ayında başa vurmuş, beş çəki dərəcəsində dünya çempionu olan və məğlubedilməz amerikalı boksçu Terens Krouford (42-0, 31 nokaut) sevdiyi UFC döyüşçülərinin adını açıqlayıb.
İdman.Biz xəbər verir ki, Krouford KICK platformasında yayımlanan efir zamanı ona ünvanlanan sualları cavablandırıb.
“UFC-yə baxırsan? Sevdiyin döyüşçülər kimdir?” sualına boksçu, “Con Cons və Həbib”, - deyə cavab verib.
Qeyd edək ki, “Qartal” ləqəbli Həbib Nurməhəmmədov son döyüşünü 24 oktyabr 2020-ci ildə Əbu-Dabi yaxınlığındakı Yas adasında keçirilən UFC 254 turnirində amerikalı Castin Getsiyə qarşı keçirib. Həmin görüş idmançının ikinci raundda boğucu fəndlə qələbəsi ilə başa çatıb və bu, onun karyerasında 29-cu qələbəsi olub. Döyüşdən sonra Nurməhəmmədov karyerasını başa vurduğunu bəyan edib.
