“Qarabağ” Azərbaycan futbolunda yeni rekorda imza atıb.
İdman.biz Teleqraf-a istinadən xəbər verir ki, “köhlən atlar” avrokuboklarda ardıcıl 5 qələbə qazanan ilk Azərbaycan təmsilçisi olub.
Ağdam təmsilçisi buna UEFA Çempionlar Liqasının pley-off mərhələsinin ilk oyununda Macarıstanda “Ferentsvaroş”u 3:1 hesabı ilə məğlub edərək nail olub.
Qurban Qurbanovun rəhbərlik etdiyi kollektiv əvvəlki raundlarda İrlandiya “Şelburn”unu 3:0 və 1:0, eləcə də Şimali Makedoniya “Şkendiya”sını 1:0 və 5:1 hesabı ilə üstələməyi bacarıb.
“Qarabağ” bu göstəricidə “Neftçi”nin 2019/2020 mövsümündəki 4 oyunluq rekordunu yeniləyib.
Qeyd edək ki, “Qarabağ” və “Ferentsvaroş” arasında cavab matçı avqustun 27-də Tofiq Bəhramov adına Respublika stadionunda təşkil olunacaq.
İdman.biz
