“Araz-Naxçıvan”ın sabiq futbolçusu Mohammed Kadiri karyerasını yenidən Azərbaycanda davam etdirəcək.
İdman.biz Futbolinfo.az-a istinadən xəbər verir ki, qanalı yarımmüdafiəçi bu dəfə Premyer Liqa deyil, I Liqada çıxış edəcək.
29 yaşlı dayaq yarımmüdafiəçisi “Mingəçevir”lə anlaşıb. “Araz-Naxçıvan”dan ayrıldıqdan sonra ötən mövsümü Hindistanda keçirən futbolçunun tezliklə Azərbaycana gəlməsi gözlənilir. Yeni mövsümə iddialı başlamaq istəyən “Mingəçevir” isə Kadiri ilə danışıqları yekunlaşdırmaq üzrədir.
Qeyd edək ki, Mohammed Kadiri 2023-24 mövsümündə “Araz-Naxçıvan”ın heyətində Premyer Liqada 31 oyun keçirib, 3 qol vurub.
İdman.biz
