Çempionlar Liqasının II təsnifat mərhələsinin püşkü atılıb.
İdman.biz xəbər verir ki, mərasimdə Azərbaycan çempionu “Qarabağ”ın rəqibi dəqiqləşib.
Qurban Qurbanovun komandası I təsnifat mərhələsində qarşılaşacaq "Şelburn" (İrlandiya) - "Linfild" (Şimali İrlandiya) cütünün qalibi ilə üz-üzə gələcək.
“Qarabağ” ilk oyununu səfərdə, cavab matçını 1 həftə sonra evdə keçirəcək.
Qeyd edək ki, II təsnifat mərhələsinin qarşılaşmaları iyulun 22-23-də və 29-30-da olacaq.
*****
Saat. 10:44
Çempionlar Liqasının II təsnifat mərhələsinin püşkatmasında "Qarabağ"ın potensial rəqiblərinin sayı azalıb.
İdman.biz xəbər verir ki, bu gün keçiriləcək mərasimdə I təsnifat mərhələsinin 4 cütündən birinin qalibi Azərbaycan çempionu ilə qarşılaşacaq.
Bunlar "Virtus" (San Marino) - "Zrinski" (Bosniya və Herseqovina), KuPS (Finlandiya) - "Milsami" (Moldova), TNS (Uels) - "Şkendiya" (Şimali Makedoniya) və "Şelburn" (İrlandiya) - "Linfild" (Şimali İrlandiya) cütləridir.
Püşkatma saat 14:00-da başlayacaq.
*****
Saat. 09:08
Bu gün Çempionlar Liqasında II təsnifat mərhələsinin püşkatma mərasimi keçiriləcək.
İdman.biz xəbər verir ki, UEFA-nın İsveçrənin Nyon şəhərindəki mənzil-qərargahında təşkil ediləcək mərasimdə Azərbaycan çempionu “Qarabağ”ın da rəqibi bəlli olacaq.
Saat 14:00-da başlayacaq püşkatmada Ağdam təmsilçisi daha yüksək reytinqlilərin olduğu səpələnmişlər səbətində yer alacaq. Qurban Qurbanovun komandasının potensial rəqibləri “Ryeka” (Xorvatiya), Pafos (Kipr), "Jalgiris" (Litva) - "Hamrun Spartans" (Malta), KuPS (Finlandiya) - "Milsami" (Moldova), TNS (Uels) - "Şkendiya" (Şimali Makedoniya), "Levadiya" (Estoniya) - RFŞ (Latviya), "Drita" (Kosovo) - "Differdanj" (Lüksemburq), "Vikinqur" (Farer adaları) - "Linkoln" (Cəbəllütariq), "Eqnatiya" (Albaniya) - "Breydablik" (İslandiya), "Şelburn" (İrlandiya) - "Linfild" (Şimali İrlandiya), "Virtus" (San Marino) - "Zrinski" (Bosniya və Herseqovina) və "Noa" (Ermənistan) - "Buduçnost" (Monteneqro) cütlərindən birinin qalibi olacaq.
Qeyd edək ki, II təsnifat mərhələsinin ilk oyunları iyulun 22-23-də, cavab qarşılaşması 1 həftə sonra keçiriləcək.
İdman.biz
