Raul “Real”ın gənclər komandasını tərk edib.
İdman.biz xəbər verir ki, Madrid klubu 47 yaşlı mütəxəssisin “Kastilya”nın baş məşqçi postundan ayrıldığını açıqlayıb.
Raul “Real”ın gənclər komandasına 6 il rəhbərlik edib və 2019/20 mövsümündə onlar UEFA Gənclər Liqasının qalibi olublar. Ümumilikdə ispaniyalı məşqçi klubun gənclər sistemində 7 il çalışıb və bu müddətdə bir il də yeniyetmələr komandasında işləyib.
Qeyd edək ki, Raulun “Lids”, “Vilyarreal” və “Şalke” klublarından təklif aldığı bildirilirdi.
İdman.biz
