Azərbaycan çempionatının II Liqasında keçirilən “Araz Saatlı” – “Hypers Guba” matçında baş verən qalmaqalın günahkarları cəzalanıb.
İdman.biz xəbər verir ki, XXVI turun oyunu ilə bağlı qərarları AFFA-nın İntizam Komitəsi verib.
Xoşagəlməz hadisə 68-ci dəqiqədə yaşanıb. “Araz Saatlı”nın futbolçusu Rəsul İbrahimov təcavüzkar davranışa görə birbaşa qırmızı vərəqə alıb. O, 4 matçlıq cəzalanıb, klubu 300 manat cərimələnib.
“Hypers Guba”nın futbolçusu Ağabəkir Həşimli təcavüzkar davranışa görə birbaşa qırmızı vərəqə aldıqdan sonra rəqibi vurub. O, bütün turnirlər daxil olmaqla (pley-off daxil) 5 oyun cəzalanıb. “Hypers Guba” 300 manat cərimə edilib. Stadionun əmlakına dəymiş zərər Quba komandası tərəfindən ödəniləcək.
İdman.biz
