21 yaşadək futbolçulardan ibarət Azərbaycan millisi bu gün növbəti oyununu keçirib.
İdman.biz xəbər verir ki, yığmamız yeni baş məşqçisi Ayxan Abbasovun rəhbərliyi altında ilk sınağına çıxıb.
U-21 millimiz Türkiyədə təşkil olunan təlim-məşq toplanışında birinci yoldaşlıq görüşünü keçirib. Komandamız Moldova ilə qarşılaşıb. Oyun futbolçularımızın 2:0 hesablı qələbəsi ilə yekunlaşıb. Millimiz hər iki qolu 1-ci hissədə vurub. 18-ci dəqiqədə Oruc Məmmədov və 25-ci dəqiqədə Sadiq Şəfiyev fərqləniblər. Ayxan Abbasovun yığmadakı debütü uğurlu alınıb.
Qeyd edək ki, martın 26-dək davam edəcək toplanış çərçivəsində ikinci sınaq ayın 25-də olacaq. Millimiz Şimali Makedoniya ilə görüşəcək.
U-21-lər arasında yoldaşlıq oyunu
22 mart
21:00. Azərbaycan – Moldova - 2:0
İdman.biz
