UEFA Konfrans Liqasının 2-ci təsnifat mərhələsi çərçivəsində iyulun 25-də saat 20:00-da Mehdi Hüseynzadə adına Sumqayıt şəhər stadionunda keçiriləcək "Sumqayıt" - "Fehervar" qarşılaşmasının biletləri satışa çıxarılıb.
İdman.biz xəbər verir ki, bu barədə klubun rəsmi səhifəsi məlumat yayıb.
Azarkeşlər biletləri iTicket.az saytı, 1 saylı Sumqayıt ASAN Xidmət mərkəzi və iyulun 20-dən etibarən isə Mehdi Hüseynzadə adına stadionun kassasından əldə edə bilərlər.
Qeyd edək ki, biletlərin qiyməti sektorlardan asılı olaraq 5, 10 və 25 manatdır.
İdman.biz
