Argentina millisinə sentyabr ayında Çində yoldaşlıq oyunu keçirmək təklif olunub. Çinli təşkilatçıların ilkin təklifi rədd edilib, çünki onlar qarşılaşmada Lionel Messinin mütləq iştirak etməsini tələb ediblər.
İdman.Biz ESPN agentliyinə istinadən məlumat verir ki, danışıqlar yenidən başlayıb, lakin Messinin oyunda iştirak edə bilib-bilməyəcəyi ilə bağlı məsələ hələ də açıq qalır.
Məlum olduğu kimi, 39 yaşlı futbolçu 2026-cı il dünya çempionatından sonra milli karyerasını başa vurmağı düşünürdü.
Argentina millisinin sentyabrın 30-da Çində Özbəkistan yığması ilə yoldaşlıq görüşü keçirə biləcəyi ehtimal olunur. İkinci potensial rəqib isə hələ müəyyənləşməyib.
Xatırladaq ki, Argentina millisi 2026-cı il dünya çempionatında finala qədər irəliləyib və həlledici görüşdə əlavə vaxtda İspaniyaya 0:1 hesabı ilə məğlub olub.
