“Sabah”ın heyətində bir çox futbolçular kifayət qədər ciddi futbolçulardır”.
Bu sözləri “Orhus”un baş məşqçisi Yakob Poulsen İdman.Biz-in "Sabah"dan hansı futbolçunu heyətinizdə görmək istəyərdiniz?” sualına cavab verərkən deyib.
UEFA Çempionlar Liqasının üçüncü təsnifat mərhələsinin cavab oyununda “Orhus” Bakıda “Sabah”ın qonağı olub. Oyun 4:0 hesabı ilə “Sabah”ın xeyrinə qurtarıb və Azərbaycan klubu iki oyunun nəticəsinə əsasən Çempionlar Liqasının pley-off mərhələsinə yüksəlib.
“Orhus” isə Avropa Liqasının pley-offunda oynayacaq. Onların rəqibi “Benfika” – “Harts” cütlüyünün qalibi olacaq.
“İstər müdafiədə, istərsə də hecumda və yarımmüdafiədə oyunçuları var ki, onları fərqləndirmək olar. Lakin İvan Lepinitsanı xüsusi qeyd etmək istərdim”, - Poulsen bildirib.
İslam Atakişiyev
