“Arsenal”ın baş məşqçisi Mikel Artetanın böyük oğlu Qabriel Arteta Bernal London klubunun U-18 komandasında debüt edib.
İdman.Biz xəbər verir ki, bu barədə ESPN məlumat yayıb.
16 yaşlı futbolçu “Blekbern Rovers”lə görüşdə 70-ci dəqiqədə meydana daxil olub və komandasının 3:0 hesablı qələbəsinə töhfə verib.
Maraqlıdır ki, vaxtilə “Everton”, PSJ və “Arsenal” klublarında mərkəz yarımmüdafiəçisi kimi çıxış edən atasından fərqli olaraq, Qabriel hücumçu mövqeyində oynayır.
