Azərbaycan millisinin sabiq qapıçısı Cahangir Həsənzadə Azərbaycan Futbol Federasiyaları Assosiasiyasının(AFFA) Texniki direktor vəzifəsindən istefa verib.
Bu gün U-21 millisi ilə birlikdə Bolqarıstandan qayıdan Cahangir Həsənzadə sözügedən məsələ barədə İdman.Biz-ə açıqlama verib.
“Bu, mənim bu vəzifədə son ezamiyyətim idi. Gördüm ki, ətrafımdakı mühit əvvəlki kimi mehriban deyil - buna görə də ərizə yazdım. Düşündüm ki, həm mənim üçün, həm də AFFA üçün belə daha yaxşı olar. Necə deyərlər, “üzüsulu ayrılaq”, - deyə Cahangir Həsənzadə bildirib.
