Futbol üzrə İngiltərə Premyer Liqasında(İPL) matçlar ənənəyə görə fasiləsiz davam edir.
İdman.Biz-in məlumatına görə, İPL-in 20-ci turu iki günə yayılıb: bu gün, yəni 3 yanvar başlayır, 4 yanvar isə Mançesterdə başa çatacaq.
Mövsümün ortasında titul uğrunda mübarizə gərgin görünür: lider “Arsenal” 45 xal toplayıb, onu 41 xalla “Mançester Siti” izləyir, “Aston Villa” isə 39 xalla yaxın mövqedədir. Bir qədər aşağıda daha sıx xal fərqi ilə təqibçi qrup yerləşir, və hər hansı bir səhv Avropa kuboklarına çıxış uğrunda vəziyyəti dərhal dəyişə bilər.
Qeyd etmək lazımdır ki, 19-cu tur cari mövsümdə İPL-in ən sakit turlardan biri olub – on matçdan yeddisi heç-heçə ilə başa çatıb.
“Mançester Siti” – “Çelsi” (4 yanvar)
Turun mərkəzi görüşü 4 yanvar “Etihad” stadionunda baş tutacaq və Bakı vaxtı ilə saat 21:30-da start götürəcək.
“Mançester Siti” matça ikinci pillədə gəlir və “Sanderlend”lə 0:0-lıq görüşdən sonra liderlə fərqi azaltmaq şansını əldən verib. Bu görüşdə Pep Qvardiolanın komandası çempionatda altı ardıcıl qələbə seriyasını dayandırdı, “Arsenal” isə rahat şəkildə dörd xallıq üstünlük qazandı.
“Çelsi” isə Mançestərə maksimal dərəcədə turublent vəziyyətdə yollanır. 19-cu turda “Bornmut”la oyun baş məşqçi Enzo Mareska üçün sonuncu görüş olub və klub onunla qarşılıqlı razılaşma əsasında yollarını ayırıb. Müvəqqəti olaraq komandanı “Çelsi”nin U21 komandası baş məşqçisi Kallum Makfarlen çalışdıracaq.
London klubunun fonu da narahatdır: Mareska dövründə komanda çoxsaylı səhvlərə yol verib və müdafiədə sistematik problemlər yaşayıb, xüsusən standart vəziyyətlərdə. Bu fon üzərində “Mançester Siti”yə səfər yalnız oyun keyfiyyətinə yox, həm də soyunma otağının psixoloji durumuna ciddi sınaq olacaq.
İPL-in 20-ci turunda digər görüşlər:
3 yanvar
“Bornmut” – “Arsenal”
“Brayton” – “Bernli”
“Vulverhempton” – “Vest Hem”
“Aston Villa” – “Nottingem Forest”
4 yanvar
“Lids” – “Mançester Yunayted”
“Everton” – “Brentford”
“Fulhem” – “Liverpul”
“Nyukasl” – “Kristal Pelas”
“Tottenhem” – “Sanderlend”
İPL cədvəli (mövcud vəziyyət):
“Arsenal” – 45
“Mançester Siti” – 41
“Aston Villa” – 39
“Liverpul” – 33
“Çelsi” – 30
“Mançester Yunayted” – 30
“Sanderlend” – 29
“Everton” – 28
“Brentford” – 27
“Kristal Pelas” – 27
“Fulhem” – 27
“Tottenhem” – 26
“Nyukasl” – 26
“Brayton” – 25
“Bornmut” – 23
“Lids” – 21
“Forest” – 18
“Vest Hem” – 14
“Bernli” – 12
“Vulverhempton” – 3
