“Gəncə” basketbol klubu FIBA Avropa Kubokunda növbəti oyununu Bolqarıstanda keçirəcək.
İdman.Biz xəbər verir ki, Azərbaycan təmsilçisi oktyabrın 21-də Samokov şəhərində yerli “Rilski Sportist” komandası ilə qarşılaşacaq. “Samokov Arena”da baş tutacaq görüş Bakı vaxtı ilə saat 22:00-da başlayacaq.
Xatırladaq ki, “Gəncə” turnirdə keçirdiyi ilk iki oyunda Türkiyənin “Esenler Erokspor” klubuna 63:92, Yunanıstanın “Kolossos” komandasına isə 62:80 hesabı ilə məğlub olub.
