Bu gün Azərbaycanın basketbol klubları FIBA Avropa Kubokunun I qrupunda növbəti oyunlarını keçirəcəklər.
İdman.Biz xəbər verir ki, I qrupunda mübarizə aparan “Neftçi” səfərdə Estoniyanın “Kalev” komandası ilə üz-üzə gələcək.
Qarşılaşma Bakı vaxtı ilə saat 21:30-da Tallindəki “Kalevi Spordihall”da start götürəcək.
Qrupun digər görüşündə “Abşeron Lions” Polşa təmsilçisi “Trefl”lə münasibətlərə aydınlıq gətirəcək. Bu görüş 22:15-də Sopotdakı “Sentennial Sport Hall”da baş tutacaq.
Qeyd edək ki, I qrupda “Trefl” və “Neftçi” hərəyə yeddi xalla müvafiq olaraq birinci və ikinci pillələrdə qərarlaşıblar. Beş xalı olan “Abşeron Lions” və “Kalev” isə üçüncü və dördüncü yerləri bölüşürlər.
