Bu gün Azərbaycanın basketbol klubları FIBA Avropa Kubokunda növbəti oyunlarını keçirəcəklər.
İdman.Biz xəbər verir ki, I qrupda çıxış edən “Neftçi” IV turda Polşanın “Trefl” komandasını öz meydanında qəbul edəcək.
Görüş Bakı İdman Sarayında saat 19:00-da başlayacaq.
Qrupun digər matçında “Abşeron Lions” səfərdə Estoniyanın “Kalev” komandası ilə qarşılaşacaq. Bu görüş saat 21:30-da start götürəcək.
Qeyd edək ki, “Trefl” turnir cədvəlində 6 xalla liderdir. “Neftçi” 5 xalla ikinci, “Kalev” 4 xalla üçüncü, “Abşeron Lions” isə 3 xalla dördüncü sırada qərarlaşıb.
