Zelim Kotsoyev: “Olimpiadanın qızıl medalı telefonumda idi”

Xəbərlər
2 Avqust 2024 12:27
607
Zelim Kotsoyev: “Olimpiadanın qızıl medalı telefonumda idi”

Paris-2024 Yay Olimpiya Oyunlarının çempionu Zelim Kotsoyev onu titul qazanmağa sövq edən maraqlı məqamı açıqlayıb.

İdman.biz xəbər verir ki, bunu idmançının özü paylaşıb.

O bildirib ki, Paris-2024-ün Təşkilat Komitəsinin təşkil etdiyi Olimpiya medallarının təqdimatı mərasimindən bu mükafatı “gözaltı” edib: “Oyunların mükafatları ilk dəfə təqdim olunanda telefonumla qızıl medalın şəklini çəkdim. Onu qazanmaq ümidi ilə tez-tez baxırdım. Mən bunu bacaracağıma inanırdım. Sonda hər şey alındı".

Qeyd edək ki, Azərbaycan cüdoçusu finalda İlia Sulamanidzeyə (Gürcüstan) qalib gəlib.

İdman.biz