“Qəbələ” Azərbaycan Premyer Liqasının VIII turunda "Kəpəz"lə səfər görüşünün hazırlıqlarını davam etdirir.
Klubun mətbuat xidmətindən İdman.biz saytına verilən məlumata görə, hazırlıqlarda 4 futbolçu iştirak etmir.
Urfan Abbasovun müalicəsi davam etdir. Asif Məmmədov və Feras Abu Akal bərpa prosesi keçir. “Qarabağ”la oyunda zədələnərək əvəzlənən Gilad Abramovun ayağında ikinci dərəcəli burxulma var. O, 10 gün məşqlərdən kənarda qalacaq.
Qeyd edək ki, “Kəpəz” “Qəbələ” görüşü oktyabrın 1-i saat 16:00-da Gəncə şəhər stadionunda keçiriləcək.
Emin Ağa
İdman.biz
